“Nyukasl” və “Vulverhempton”dan ev qələbəsi

18 Aprel 2021 02:16 (UTC+04:00)

Futbol üzrə İngiltərə Premyer Liqasında 32-ci turun oyunları keçirilir.

SİA xəbər verir ki, bu gün daha iki qarşılaşma baş tutub.

“Nyukasl” doğma meydanda “Vest Hem”lə üz-üzə gəlib. Beş qolun qeydə alındığı oyunda meydan sahibləri qələbəni bayram edən tərəf olub.

“Vulverhempton” da “Şeffild Yunayted”lə ev oyunundan qalib ayrılıb.

Bu tur keçirilməli olan “Sauthempton” – “Kristal Pelas”, “Aston Villa” – “Mançester Siti”, “Lester Siti” – “Vest Bromviç” matçları təxirə salınıb.

İngiltərə Premyer Liqası

32-ci tur

17 aprel

Nyukasl – Vest Hem 3:2

Qol: Diop, 36-öz qapısına. Joelinton, 41. Uillok, 82 – Diop, 73. Linqard, 80.

Vulverhempton – Şeffild Yunayted 1:0

Qol: V.Xose, 60.

16 aprel

Everton – Tottenhem 2:2

Qol: Siqurdsson, 31; 62 – Keyn, 27; 69.

18 aprel

16:30. Arsenal – Fulhem

19:00. Mançester Yunayted – Bernli

23:00. Lids – Liverpul

20 aprel

23:00. Çelsi – Brayton