Türk Şurası ölkələrindən yeni əməkdaşlıq sazişi

14 Aprel 2021 18:45 (UTC+04:00)

Türkdilli Dövlətlərin Əməkdaşlıq Şurası (Türk Şurası) ölkələrinin futbol federasiyaları arasında əməkdaşlıq barədə saziş imzalanıb. SİA-nın məlumatına görə, sazişə əsasən, təşkilatın üzv ölkələri arasında turnirlərin, yoldaşlıq görüşlərinin, birgə təlim-məşq toplanışlarının keçirilməsi nəzərdə tutulur.

Bundan başqa, saziş uşaq futbolu, tədris, hakimlik sahələrində əməkdaşlığı nəzərdə tutur.

Sazişi Azərbaycan Futbol Federasiyaları Assosiasiyasının prezidenti Rövnəq Abdullayevlə yanaşı, Türkiyə, Qırğızıstan, Qazaxıstan, Türkmənistan, Özbəkistan və Macarıstan futbol federasiyalarının rəhbərləri imzalayıb.

İmzalanma mərasimində, həmçinin Türk Şurasının baş katibi Bağdad Amreyev də iştirak edib.