TBMM Xarici işlər komissiyasının rəhbəri, AK Parti İstanbul millət vəkili Akif Çağatay Kılıç komissiya üzvləri ilə birlikdə Şimali Kiprə səfər edib, gələn həftə isə Azərbaycanı ziyarət edəcək.
SİA xəbər verir ki, Anadolu Agentliyinə hər iki ölkəyə səfər proqramı barədə məlumat verən Kılıc Şimali Kiprdə Xarici işlər naziri Tahsin Ertuğruloğlu, Baş nazir Ersan Saner, Meclis Başkanı Önder Sennaroğlu və Prezident Ersin Tatarla görüşəcəklərini bildirib.
Eyni zamanda o, Avrupa Parlamenti və qurumlarında vəzifəli ŞKTC millət vəkilləri ilə də bir araya gələcəklərini bildirib, təmaslarını Kapalı Maraş bölgəsini ziyarət etməklə tamamlayacaqlarını söyləyib.
Pandemiya səbəbindən bir çox görüşlərini videoformatda gerçəkləşdirdiklərini bildirən Kılıç deyib ki, gündəm mövzularından biri COVID-19-la mücadilə olacaq:
“Digər tərəfdən, ŞKTC vətəndaşlarının haqları, Şimali Kiprin beynəlxalq aləmdə hüquqları da əsas mövzular sırasında olacaq”.