Rusiyanın Nijeqorod vilayətinin Kudma qəsəbəsində bir mənzildə, aralarında biri uşaq olmaqla, dörd nəfərin cəsədi aşkar olunub. Onların qətlə yetirildiyi müəyyən edilib.
SİA “RİA Novosti”yə istinadən xəbər verir ki, bu barədə yerli hüquq-mühafizə orqanlarından bildirilib.
“Kudmada dörd nəfər qətlə yetirilib. Nənə, baba və ana öz körpəsi ilə”, - deyə mənbə qeyd edib.
Rusiya DİN-in Vladimir vilayəti üzrə idarəsindən TASS agentliyinə verilən məlumata görə, qanlı cinayətlə əlaqədar dörd nəfər şübhəli şəxs qismində saxlanılıb. Faktla əlaqədar yerli prokurorluq orqanları tərəfindən istintaq araşdırmaları aparılır.
Hadisənin səbəbləri müəyyənləşdirilir.