YAP Qadınlar Şurası Dövlət müstəqilliyinin bərpa edilməsinin 20-ci ildönümünə həsr olunan müsabiqə keçirəcək
20 May 2011 16:03 (UTC+04:00)
Yeni Azərbaycan Partiyası (YAP) Qadınlar Şurası Azərbaycan
Respublikasının Dövlət müstəqilliyinin bərpa edilməsinin 20-ci ildönümünə həsr
olunan müsabiqə keçirəcək. SİA-nın yap.org.az saytına istinadən verdiyi xəbərə
görə, Yeni Azərbaycan
Partiyasının Qadınlar Şurası YAP- ın üzvü olan alim, yazıçı, şair qadınlar
arasında elmi, bədii, publisistik əsərlərin müsabiqəsini elan edir.
Müsabiqə Azərbaycan Respublikası müstəqilliyinin yenidən bərpa
edilməsinin 20-ci ildönümünə həsr olunur. Müsabiqəyə təqdim edilən əsərlər
mayın 25-dən sentyabrın 25-dək qəbul ediləcək. Müsabiqənin yekun mərasimi oktyabrın
əvvəllərində keçiriləcək.Qaliblərə mükafatlar təqdim olunacaq.