Yaponiyada qəzalı vəziyyətdə olan "Fikusima-1" Atom Elektrik Stansiyasının operatoru olan TEPCO şirkətinin prezidenti Masataka Simidzu, baş vermiş qəzaya görə məsuliyyəti öz üzərinə götürərək istefa verib.
SİA-nın Rusiya mətbuatına istinadən verdiyi xəbərə görə, TEPCO şirkətində onun yerini top-menecer Katsutosi Tikudate tutacaq.
TEPCO-nun mətbuat xidməti prezidentin istefaya getməsi ilə bağlı heç bir şərh verməyib.
Qeyd edək ki, qəzanın baş verdiyi ilk günlərdə yapon KİV-ləri prezident Masataku Simidzunu sərt tənqid etmişdi.