"Maddi-texniki baza baxımından həftədə 5 gün tədrisin davam etdirilməsi mümkün deyil. Bu, zərurətlə bağlı bir qərardır". SİA xəbər verir ki, bunu təhsil naziri Emin Əmrullayev bu gün keçirilən brifinqdə deyib.
Nazir bildirib ki, hibrid model üz-üzə qaldığımız vəziyyətdən çıxış yoludur: "Əgər vəziyyətlə bağlı başqa təkliflər olarsa, biz dinləməyə hazırıq. İnternetlə bağlı məsələ ondan ibarətdir ki, 1 ildə İKT-nin tətbiqi ilə bağlı ölkədə müsbət dəyişikliklər olub. 1 il bundan öncə onlayn şəkildə 6 milyon dərsin keçirilməsi mümkün deyildi.