ABŞ Ümumdünya Səhiyyə Təşkilatı ilə münasibətləri bərpa edir
21 Yanvar 2021 04:25 (UTC+04:00)
ABŞ Ümumdünya Səhiyyə Təşkilatı (ÜST) ilə münasibətləri bərpa edir.
SİA-nın "RİA Novosti"yə istinadən verdiyi xəbərə görə, ABŞ Prezidenti Co Bayden cümə axşamı ölkəsinin ÜST-lə əlaqələrin bərpasını nəzərdə tutan fərman imzalayıb.
Qeyd edək ki, ABŞ-ın sabiq prezidenti Donald Tramp keçən ilin iyul ayının əvvəlində ölkənin ÜST-dən çıxması ilə bağlı Konqresə rəsmi bildiriş göndərmişdi.
Çıxış prosesi 2021-ci ilin iyulunda başa çatmalı idi. Daha əvvəl Tramp ÜST-ü tələb olunan islahatları həyata keçirməməkdə günahlandıraraq təşkilata maliyyə ayrılmasına son verdiyini bildirmişdi. O, həmçinin, ÜST-ü koronavirus epidemiyasının miqyasını Çinin maraqları çərçivəsində gizlətməkdə günahlandırmışdı.