“Fənərbaxça”nın yeni transferi Məsut Özil Türkiyəyə gəlib.
SİA-nın məlumatına görə, 33 yaşlı ulduz futbolçu yeni komandasının rəhbərliyinin göndərdiyi şəxsi təyyarə ilə bir qədər əvvəl İstanbul Hava Limanına enib.
“Arsenal”da komanda yoldaşları ilə vidalaşan Almaniya millisinin sabiq üzvü Londondan İstanbula həyat yoldaşı və qızı ilə birlikdə gəlib. Onun “sarı-lacivərdlilər”lə 3,5 illik müqavilə imzalaması gözlənilir.
Qeyd edək ki, “Fənərbaxça” Limassol “Apollon”undan transfer etdiyi macarıstanlı müdafiəçi Attila Şalayla bu gün 4,5 illik sözləşmə imzalayıb.