Nazir adından mail göndərən haker tutulub
19 May 2011 11:09 (UTC+04:00)
Türkiyənin dövlət naziri Hayati Yazıcının adından ÖSYM başçısı Ali Demirə mail göndərilib. SİA-nın xəbərinə görə, bununla əlaqədar olaraq həyata keçirilən istintaq nəticəsində Ümid Y. İstanbulda tutulub və ifadəsinin alınması üçün Ankaraya aparılıb.
Qeyd edək ki, Türk Telekom rəhbərliyi ilə aparılan ortaq təqib nəticəsində mailin atıldığı kompüterin İP nömrəsindən fəaliyyətə keçən Ankara informasiya polisi istifadəçinin İstanbulda olduğunu sübut edib. Ankara polisinin İstanbul polisinə məlumat verməsi ilə hərəkətə keçilib. Təşkil edilən əməliyyatda nəticəsində 30 yaşındakı Ümid Y. nəzarətə götürülüb.