“Haas” komandası Formula 1 Sahir Qran-Prisi üçün heyətinə açıqlayıb. SİA xəbər verir ki, ötən gün Bəhreyn Qran-Prisində zədələnən Roman Qrojan növbəti yarışda iştirak etməyəcək. Onu Petro Fittipaldi əvəz edəcək.
P.Fittipaldi Formula 1 üzrə ikiqat dünya çempionu Emerson Fittipaldinin nəvəsidir.
Formula 1 Sahir Qran-Prisi dekabrın 6-da Bəhreyndə təşkil olunacaq.
Qeyd edək ki, mövsümün 15-ci yarışında "Haas" komandasının pilotu R.Qrojan birinci dövrədə qəza törədib. Belə ki, sürətlə trasın kənarındakı səddə çırpılan bolid iki yerə ayrılaraq alışıb. Fransalı pilot yanıq xəsarətləri alıb.