Naməlum şəxs ABŞ-ın Viskonsin ştatının Uovatosa şəhərində yerləşən ticarət mərkəzində atəş açıb.
SİA-nın məlumatına görə, bu barədə yerli polis idarəsi "Twitter" səhifəsində yazıb.
Məlumata əsasən, hadisə nəticəsində 8 nəfər yaralanıb. Bütün yaralananlar xəstəxanaya yerləşdirilib.
Atəş açan şəxsin kimliyi hələ müəyyənləşdirilməyib. Polis gələnədək o hadisə yerindən qaçıb. Onun barəsində axtarış elan olunub.