Həbib Nurməhəmmədov karyerasını başa vurmasının səbəbini açıqlayıb
25 Oktyabr 2020 01:30 (UTC+04:00)
MMA üzrə UFC çempionu Həbib Nurməhəmmədov karyerasını başa vurmasının səbəbini açıqlayıb.
SİA-nın məlumatına görə, yüngül çəkidə rəqib tanımayan rusiyalı döyüşçü ABŞ təmsilçisi Castin Qetjini məğlub etdikdən sonra oktaqonla vidalaşıb.
Həbib bunu verdiyi vədlə əlaqələndirib: "Castinlə döyüşə görə UFC-dən mənə zəng edəndə anamla üç gün danışdım. Anama söz vermişdim ki, bu, mənim son döyüşüm olacaq. O istəmirdi ki, mən atasız döyüşüm".
Qeyd edək ki, bir müddət əvvəl Nurməhəmmədovun atası vəfat edib.