Rusiya ilə Ukrayna arasında razılıq əldə olunub

22 Oktyabr 2020 10:20 (UTC+04:00)

Rusiya ilə Ukrayna arasında uzun müddət sonra razılıq əldə olunub. SİA xəbər verir ki, iki ölkə 2014-cü ildən bəri ilk dəfə Moskvada ticarət və iqtisadi əməkdaşlıq çərçivəsində görüş keçirib.

Video-konfrans vasitəsilə təşkil edilən görüş Rusiya Ticarət və 240 müəssisədən ibarət Sənaye Şurası ilə Ukrayna Mühəndislər və İşəgötürənlər Birliyi tərəfindən hazırlanıb.

Qeyd edək ki, Rusiya Prezidenti Vladimir Putin bəzi ukraynalı sənaye şirkətlərinin məhsullarının ölkəyə girişi təklifinə müsbət yanaşdığını açıqlamışdı.

Rusiya Baş naziri Mixail Mişustin də Ukrayna tərəfinin bu addıma cavab verməsinə ümid etdiklərini dilə gətirmişdi.