Qonşu ölkədə bir gündə koronavirusdan 14 nəfər öldü

21 Oktyabr 2020 11:18 (UTC+04:00)

Gürcüstanda son sutkada koronavirusa 1 351 yeni yoluxma faktı təsdiqlənib, 337 nəfər sağalıb, 14 pasiyent isə vəfat edib.

SİA-nın xəbərinə görə, bu barədə Gürcüstan hökumətinin xüsusi rəsmi saytında bildirilib. Bununla da qonşu ölkədə COVID-19-a ümumi yoluxma sayı 21 208-ə çatıb. Sağalanların sayı 9 003, vəfat edənlərin sayı isə 172 olub.

Hazırda karantində 4 462, stasionar nəzarətdə isə 3 071 nəfər saxlanılır. Xəstəliyi simptomsuz keçirən 1 772 nəfər xüsusi otellərdə müalicə olunur.