Andrey Malaxov: «Azərbaycanın şansları yüksəkdir»

13 May 2011 21:04 (UTC+04:00)

Məşhur rusiyalı teleaparıcı Andrey Malaxov Azərbaycanın "Eurovision-2011"dəki şanslarını qiymətləndirib. SİA Day.Az saytına istinadən xəbər verir ki, Malaxov Rusiyanın bu ilki müsabiqədə qələbə qazanmayacağına əminliyini bildirib: "Düşünürəm ki, qalib Macarıstan, Fransa, Azərbaycan və ya İrlandiya olacaq", - deyə Malaxov bildirib: "Azərbaycanın şanslarının yüksək olduğunu düşünürəm. Duetiniz ilk üçlükdə təmsil olunmaq iqtidarındadır. Fikrimcə, Azərbaycan gələn il Bakıda "Eurovision"u Avropa səviyyəsində təşkil edə biləcəyinə inandırsa, siz birinci yeri tutacaqsınız".