Neft və qazın nəqli ilə bağlı İsraildən - Böyük Təklif

17 Sentyabr 2020 15:22 (UTC+04:00)

İsrail Körfəz ölkələrindən neft və təbii qazın Avropa və Şimali Amerika ölkələrinə nəqli üçün boru xəttinin çəkilməsini təklif edəcək. SİA-nın məlumatına görə, bu barədə ölkənin “Globes” iqtisadiyyat nəşri bildirib.

Xəbərə görə, layihənin hazırlıqlarına başlanılıb. Hələ ki, diplomatik münasibətlər qurulmamasına baxmyaraq, Səudiyyə Ərəbistanının da bu xəttə qoşulacağı qeyd olunub.

“Tərəflər enerji təhlükəsizliyinin artırılması hədəfi ilə regional nəqliyyat sistemləri də daxil olmaqla, enerji sahəsindəki layihələrlə əməkdaşlığı inkişaf etdirəcək və qüvvətləndirəcək”, - açıqlamada deyilir.

Boru xətti layihəsinin hədəfləri arasında neft və qaz nəqlinin müddətinin azaldılması və Süveyş kanalından keçidi məhdudlaşdırmaqla maliyyə israfının qarşısının alınması var.

Layihənin İsrail iqtisadiyyatına yüz milyonlarla dollar gəlir gətirəcəyi vurğulanır.