Təhsil müəssisələrinin fəaliyyətinin bərpa edilməsi müzakirə olunur. SİA xəbər verir ki, bunu Azərbaycan Respublikası Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev Operativ Qərargahın bu gün keçirilən brifinqində deyib.
"Çox sevindirici haldır ki, Təhsil Nazirliyi tərəfindən təşkil olunan forumlarda valideyn və şagirdlərin iştirakı ilə bu məsələ müzakirə olunur. Təhsil müəssisələrinin açılması ilə bağlı məsələ kompleks şəkildə araşdırılır. Yekun qərar hələ yoxdur. Bu, epidemioloji vəziyyətlə birbaşa bağlı sahədir. Buna görə də beynəlxalq təcrübəyə baxılır", - deyə Prezidentin köməkçisi bildirib.