ABŞ prezidenti Donald Tramp bildirib ki, demokratlar iqtisadiyyata dəstək danışıqlarını uzatmaqla “seçkiləri oğurlamaq” istəyirlər.
SİA xəbər verir ki, bu barədə o, Nyu-Cersidəki mətbuat konfransında deyib.
Trampın sözlərinə görə, demokratların Konqresdəki liderləri Nensi Pelosi və Çak Şumer koronavirusdan əziyyət çəkənlər üçün nəzərdə tutulan yardımı “əllərində girov saxlayırlar”. O, həmçinin demokratların bir sıra təkliflərindən də söz açıb və bu təkliflərin iqtisadiyyatla heç bir əlaqəsinin olmadığını düşündüyünü vurğulayıb.