Ermənistan Xüsusi İstintaq Xidmətində əsl qarışıqlıq var və müstəntiq Borya Çilinqaryan çıxılmaz vəziyyətdə qalıb. SİA Ermənistana məxsus mətbuat səhifələrində yayımlanan məlumatlara istinadən xəbər verir ki, bu barədə 168.am öz mənbələrinə istinadən yazır.
Nəşrin istintaq orqanındakı bir mənbəsinə görə, Dövlət Xidmətləri Tənzimləmə Komissiyasının keçmiş sədri Robert Nazaryan bütün gün ərzində Ermənistanın üçüncü prezidenti Serj Sarkisyana qarşı ifadə verməyə razı salınmayıb, buna görə müstəntiq Çilinqaryan Nazaryanın qanun pozuntusu ilə 72 saat tutulması barədə başqa seçimi olmayan qərar qəbul etməli olub.
Fakt budur ki, 2018-ci ildə qəbul edilmiş amnistiya aktına əsasən, Robert Nazaryan Cinayət Məcəlləsinin bu maddələri ilə ittiham olunaraq həbs edilə bilməz və buna görə altı ildən çox olmayan cəza nəzərdə tutulur, hansıki Cinayət Məcəlləsinin 308-ci maddəsinin 2-ci hissəsi də bunu tələb edir. Bu səbəbdən, Xüsusi İstintaq Xidmətinin müstəntiqi Robert Nazaryanın həbsi ilə bağlı hələ məhkəməyə ərizə təqdim etməyib və indi düzəliş edilmiş maddə ilə Robert Nazaryana qarşı ittiham irəli sürülməsinin mümkünlüyünü nəzərdən keçirilir, lakin hələ də bunun üçün əsas tapa bilmirlər.
Xatırladaq ki, Xüsusi İstintaq Xidməti başqa bir maddə ilə Robert Nazaryana qarşı ittiham irəli sürə bilməzsə, onu sərbəst buraxmaq məcburiyyətində qalacaq.