Tramp COVID-19 əleyhinə peyvəndin prezident seçkilərindən əvvəl hazır ola biləcəyini deyib

6 Avqust 2020 19:49 (UTC+04:00)

ABŞ Prezidenti Donald Tramp yeni növ koronavirus (COVID-19) infeksiyası əleyhinə peyvəndin prezident seçkilərindən əvvəl hazırlanmasının mümkün ola biləcəyini açıqlayıb.

SİA-nın "Reuters"ə istinadən verdiyi xəbər görə, bu barədə D.Tramp “Geraldo Rivera” radio proqramına müsahibəsində bildirib.

ABŞ Prezidenti COVID-19 peyvəndinin lap yaxın müddətdə hazır ola biləcəyini vurğulayıb.

Aparıcının “Noyabrın 3-dən də tez?” sualına isə ABŞ Prezidenti belə cavab verib: “Bəli, düşünürəm ki, qeyd etdiyiniz tarixdən də əvvəl bu mümkündür, lakin ümumilikdə həmin ərəfəyə də düşə bilər”.