BMT-nin baş katibi bütün ölkələri nüvə silahını tamamilə məhv etməyə çağırıb

6 Avqust 2020 06:47 (UTC+04:00)

BMT-nin baş katibi Antoniu Quterreş bütün ölkələri nüvə silahını tamamilə məhv etməyə çağırıb.

SİA xəbər verir ki, baş katib bu barədə 1945-ci ildə ABŞ-ın Hirosima şəhərinə atom bombasının atılmasının 75-ci ildönümü günü çağırış edib.

"Yarandığı ilk günlərdən Birləşmiş Millətlər Təşkilatı nüvə silahının tamamilə ləğv edilməsinin vacibliyini bildirib. Ancaq bu hədəfə hələ də çatmamışıq", - A.Quterreş deyib.

"75 il nüvə silahına sahib olmağın təhlükəsizliyi gücləndirməkdənsə, zəiflətdiyini başa düşmək üçün hətta çoxdur", - baş katib bildirib və soyuq müharibədən sonra yaradılan nüvə silahlarına nəzarət müqavilələrinin indi təhdid altında olduğunu etiraf edib.

"Dövlətlərin nüvə silahından tamamilə imtina etməsinə aparan ortaq bir görüşə və yola qayıtmasına çağırışımı bir daha təkrar edirəm", - A.Quterreş əlavə edib.