Ermənistan hakimiyyətinin təkcə Rusiya ilə deyil, Avropa Birliyi və NATO ilə də problemləri var. SİA xəbər verir ki, bu barədə "Hraparak" qəzeti yazır.
Qəzet yazır ki, NATO ilə problemlər keçən ildən bəri yaranıb. “Ermənistan NATO ilə 2005-ci ildə imzalanmış və hər 2 ildən bir yenilənən Ermənistan-NATO Fərdi Tərəfdaşlıq Fəaliyyət Proqramı çərçivəsində əməkdaşlıq edib. Sonuncu dəfə 2017-ci ildə Serj Sarkisyanın Brüssel səfəri zamanı əməkdaşlıq imzalanıb. 2019-cu ildən bu vaxtadək NATO ilə Ermənistan arasında müqavilə imzalanmayıb və münasibətlər üçün heç bir hüquqi əsas yoxdur.
Problemi həll etmək üçün 11-12 mart 2019-cu il tarixlərində NATO Baş katibinin Cənubi Qafqaz və Orta Asiya bölgəsindəki xüsusi nümayəndəsi Ceyms Apartartuy Ermənistanda olub, Armen Sarkisyan, Zohrab Mnatsakanyan, David Tonoyan da daxil olmaqla müxtəlif səlahiyyətlilərlə görüşüb, ancaq baş nazir onunla görüşməyib və heç bir irəliləyiş əldə edilməyib", deyə qəzet yazır.
Qəzet yazır ki, niyə NATO ilə problemlər yaşanır, yoxsa Rusiya ilə bağlı narahatlıqlar var? Bəlkə başqa bir səbəb də mümkündür? Nəşr bu suallara cavab verməkdə çətinlik çəkir. “Demək çətindir. Görünür, səbəb hakimiyyətin məsuliyyətsizliyidir”, deyə qəzetdə yazılır və birbaşa Paşinyan hakimiyyəti hədəf seçilərək ittiham olunur.