Türkiyə "bir milyonluq" terrorçunu da zərərsizləşdirdi

3 İyun 2020 09:57 (UTC+04:00)

Türkiyə Daxili İşlər Nazirliyi daxili təhlükəsizlik əməliyyatları çərçivəsində Tunceli bölgəsinin Ovacık kəndində TKP/ML-TIKKO (Türkiyə Kommunist Partiyası/Marksist-leninçi) terror təşkilatının üzvü, adı "narıncı siyahı"da yer alan Hasan Ataşı zərərsizləşdirib. SİA "Anadolu" Agentliyinə istinadla xəbər verir ki, bu barədə DİN məlumat yayıb.

Bildirilib ki, "Şerzan" kod adı altında fəaliyyət göstərən Hasan Ataşın üzərindən kalaşnikov tüfəngi və 2 əl qumbarası götürülüb.

Türkiyə dövlət qurumları onun tutulması üçün 1 milyon lirə pul mükafatı vəd etmişdilər.

Hazırda bölgədə əməliyyatlar davam etdirilir.