Paytaxtın ictimai iaşə dövriyyəsi azalıb

22 May 2020 18:40 (UTC+04:00)

Yanvar-aprel aylarında paytaxtın ictimai iaşə dövriyyəsi 2019-cu ilin müvafiq dövrü ilə müqayisədə real ifadədə 27,5 faiz azalaraq 207,6 milyon manat olub. SİA Bakı Şəhər Statistika İdarəsinin yaydığı məlumata istinadla xəbər verir ki, özəl sektorda ictimai iaşə dövriyyəsinin 58,9 faizi hüquqi şəxs statuslu müəssisələrin, 41,1 faizi isə bu sahədə sahibkarlıq fəaliyyəti ilə məşğul olan fərdi sahibkarların payına düşür.

Hüquqi şəxslər üzrə dövriyyə 2019-cu ilin müvafiq dövrü ilə müqayisədə 1,5 faiz azalaraq 123,5 milyon manat təşkil edib.