Ağstafa rayonunda ticarət obyektində partlayış baş verib. Ağstafa rayon Polis Şöbəsindən SİA-nın bölgə müxbirinə verilən məlumata görə, partlayış nəticəsində 3 nəfər müxtəlif dərəcəli bədən xəsarətləri alıb.
1977-ci il təvəllüdlü Sadiqi Anar Bəhmən oğlu, 1984-cü il təvəllüdlü Əliyev Ceyhun Vidadi oğlu və 1984-cü il təvəllüdlü Orucov Seymur Qasım oğlu Ağstafa Mərkəzi Rayon Xəstəxanasına yerləşdirilib.
İlkin ehtimallara görə, hadisəyə səbəb qaz sızması olub. Faktla bağlı araşdırma aparılır.