Azərbaycan Prezidenti İlham Əliyev Suriya Ərəb Respublikasının Prezidenti Bəşşar əl-Əsədə təbrik məktubu ünvanlayıb. SİA-nın xəbərinı görə, təbrikində deyilir: "Hörmətli cənab Prezident, Suriya Ərəb Respublikasının milli bayramı - Evakuasiya günü münasibətilə Sizi və bütün xalqınızı öz adımdan və Azərbaycan xalqı adından təbrik edirəm.
Ümidvaram ki, Azərbaycan-Suriya münasibətləri xalqlarımızın mənafelərinə uyğun olaraq daim dostluq və əməkdaşlıq zəminində inkişaf edəcək və genişlənəcəkdir.
Sizə möhkəm cansağlığı, işlərinizdə uğurlar, dost Suriya xalqına sülh və rifah diləyirəm".