"Real Madrid" mövsümün sonunda heyətini gücləndirməyi planlaşdırır. SİA-nın məlumatına görə, "kral klubu"nun transfer gündəmindəki 2 futbolçunun adı məlumdur.
Bunlar "Mançester Yunayted"in yarımmüdafiəçisi Pol Poqba və Dortmund "Borussiya"sının hücumçusu Erlinq Halanddır. Poqbanın transfer dəyəri 80 milyon avroya bərabərdir. Ancaq "qırmızı şeytanlar" fransalının 2021-ci ilin yayına qədər olan sözləşmə müddətini daha 1 il uzatmaq niyyətindədir.
"Borussiya"ya qış fasiləsində keçən Halandın keçidini isə 72 milyon avroya reallaşdırmaq olar. Norveçlinin almanlarla müqavilə müddəti 2024-cü ilin yayına qədərdir.
Qeyd edək ki, İspaniya La Liqasında 27 turdan sonra aktivində 56 xal olan "Real" lider "Barselona"dan 2 xal geri qalır.