Əməkdar artist #senetinledestekle çağırışına qoşuldu

13 Aprel 2020 14:48 (UTC+04:00)

Ölkəmizi onun hüdudlarından kənarda virtuoz ifası ilə layiqincə təmsil edən, tarın sarı simi ilə qəlbləri riqqətə gətirən Əməkdar artist Şəhriyar İmanov bu dəfə izləyiciləri #senetinledestekle layihəsində evdən salamlayacaq. SİA-nın məlumatına görə, istedadlı tarzən geniş diapazona malik milli musiqi alətlərimizin imkanlarını sübut edərək, dünya musiqisinin 7 notun sehrinə köklənərək insanların duyğularını ifadə etməsindən, ifaçılıq təcrübəsindən söz açacaq, izləyicilərin suallarını cavablandıracaq.

Şəhriyar İmanovun musiqi dünyası ilə tanış olmaq istəyənlər aprelin 14-də saat 18.00-da Baş İdarənin @bakimedeniyyetidaresi və sevimli tarzənin @shahriyarimanov “İnstagram” hesablarından canlı konsertə baxa bilərlər.