Tramp və vitse-prezidenti müntəzəm olaraq COVID-19 testindən keçəcəklər

7 Aprel 2020 05:57 (UTC+04:00)

ABŞ Prezidenti Donald Tramp koronavirusla mübarizədə Ağ Evin gücləndirilməsi işlərinə rəhbərlik edən vitse-prezident Mayk Penslə birgə müntəzəm olaraq COVID-19 testindən keçəcək.

SİA “RİA Novosti”yə istinadən xəbər verir ki, o bu barədə brifinq zamanı deyib.

“Düşünürəm ki, biz bunu edəcəyik, güman ki, kifayət qədər testdən keçəcəyik, bu, heç də ən pis ideya deyil. Siz test sistemindən xəbərdarsınız – indi o, daha tez və asandır”, - deyə Tramp qeyd edib.

Qeyd edək ki, amerikalı lider indiyədək iki dəfə testdən keçib və cavab mənfi olub.