Kolumbiya hökuməti Venesuelanın bu ölkəyə bağışlamaq istədiyi koronavirusu aşkarlayan test avadanlığından imtina edib.
SİA "TASS" agentliyinə istinadən xəbər verir ki, bu barədə Venesuelanın icraçı vitse-prezidenti Delsi Rodriqes paytaxt Karakasda çıxışı zamanı bildirib.
Xatırladaq ki, cümə günü Venesuela Prezidenti Nikolas Maduro koronavirusla mübarizə çərçivəsində Kolumbiyaya kömək etməyə hazır olduğunu demişdi.
Məlumat üçün bildirək ki, Venesuelada koronavirusa ilk yoluxma hadisəsi martın 13-də qeydə alınıb. Martın 17-dən ölkə daxilində karantin tətbiq edilib.