Koronavirus infeksiyasının (COVID-19) Azərbaycan ərazisində geniş yayılmasının qarşısının alınması məqsədi ilə Azərbaycan Prezidenti cənab İlham Əliyevin rəhbərliyi altında Azərbaycan hökuməti tərəfindən bütün istiqamətlərdə hərtərəfli tədbirlər həyata keçirilir. SİA xəbər verir ki, Azərbaycan həkimlərinə mənəvi dəstək kampaniyasına qoşularaq Azərbaycan hökumətinə və bütün səhiyyə işçilərinə bu çətin mübarizədə göstərdikləri qəhrəmanlıq ilə bağlı təşəkkürünü və onlarla həmrəyliyini bildirmək üçün Azərbaycan Xarici İşlər Nazirliyi videoçarx hazırlayıb.
XİN videoçarxın hazırlanmasında göstərdiyi yardıma görə Azərbaycan Televiziyasına təşəkkürünü bildirir.