İran hökuməti fevral ayında texniki səbəblər üzündən baş verən fasilədən sonra Buşehr nüvə stansiyasında yanacaqdoldurma əməliyyatının başladığını xəbər verir.
SİA-nın xəbərinə görə, xarici işlər naziri Əli Əkbər Salehi deyib ki, obyektdəki reaktora yanacaq doldurulmasına başlanılıb. Rəsmilər ümid edirlər ki, nüvə stansiyası mayın 10-adək həlledici mərhələyə daxil olacaq.
Rusiyanın inşa etdiyi stansiyadakı layihə illərdir ki, müxtəlif problemlər üzündən ləngiyir.
Ayrıca olaraq İran dövlət mediası Salehiyə istinadən Tehran yaxınlığındakı zavodun sentrifuqalar istehsalına başladığını bildirib.