2020-ci il Cənub Qaz Dəhlizinin tam istismara veriləcəyi tarixdir. SİA xəbər verir ki, bu sözləri Energetika naziri Pərviz Şahbazov fevralın 28-də Cənub Qaz Dəhlizi Məşvərət Şurası çərçivəsində nazirlərin VI iclası toplantısının yekunlarına dair keçirilən mətbuat konfransında deyib.
Nazir qeyd edib ki, Cənub Qaz Dəhlizinin üç seqmenti artıq uğurla tamamlanıb. Ötən il TANAP-ın Avropa birləşən hissəsinin açılışı olub. Sonuncu hissə TAP üzrə işlərin icra göstəricisi isə 92 faizdir.