Ulduz təsnifatı sistemindən keçmək üçün seminarlar keçiriləcək - AÇIQLAMA

27 Fevral 2020 16:53 (UTC+04:00)

“Bugünkü tədbirimiz ulduz təsnifatı sistemini təqdim etməkdir. İlk öncə Bakıda başlayıb daha sonra regionlarda da bütün bu sistemi başa salacağıq”. SİA-nın məlumatına görə, bunu açıqlamasında Azərbaycan Hotellər Assosiasiyasının icraçı direktoru Günay Sağlam deyib.

O bildirib ki, ulduz almağın prosedurlarını, kriteriyalarını, necə müraciət etmək lazım olduğunu və artıq ulduz təsnifatı sistemindən keçmə proseslərini başa salmaq üçün seminarlar keçiriləcək: “Proses auditorlar tərəfindən həyata keçiriləcək. Onlar müəyyən edilən otelə səfər edəcəklər. Bütün kriteriyalarda sualları cavablandırıb, lazımı sənədləri aldıqdan sonra 1 ay ərzində hotelə komissiyanın cavabını verərək, otelin ulduzlaşması keçəcək. Komissiyada müxtəlif ekspertlərimiz fəaliyyət göstərir. Marketinq platforma üçün ulduzlar üstünlük verən bir anlayışdır. Qonaqların otel seçimində yekun qərarı verən ünsürdür”.