İmişlidə ölümlə nəticələnən yol qəzası baş verib

18 Fevral 2020 11:56 (UTC+04:00)

İmişli şəhərinin ərazisində yol-nəqliyyat hadisəsi baş verib. Daxili İşlər Nazirliyindən SİA-ya verilən xəbərə görə, fevralın 17-də saat 19 radələrində İmişli şəhərinin ərazisində şəhər sakini Əlibala Zeynalovun idarə etdiyi “İJ” markalı motosikletlə Oruclu kənd sakini O.Rzayevin idarə etdiyi “Mercedes” markalı avtomobil toqquşub. Nəticədə xəstəxanaya yerləşdirilmiş motosikletçi orada ölüb.

İmişli RPŞ tərəfindən araşdırma aparılır.