Bakı şəhərinin Qaradağ rayonu, Lökbatan qəsəbəsində yerləşən "Sədərək" Ticarət Mərkəzində baş verən yanğın nəticəsində 9 nəfərə hadisə yerində yardım göstərilib. Bu barədə SİA-ya “Tibbi Ərazi Bölmələrini İdarəetmə Birliyi”ndən (TƏBİB) bildirilib.
Məlumata görə, hadisə yerinə 5 təcili yardım briqadası göndərilib. Yanğın zamanı başından xəsarət (travma) alan bir nəfər isə təcili yardım avtomobili ilə 1 saylı Kliniki Tibbi Mərkəzə aparılıb.