Beynəlxalq Ədalət Məhkəməsi Gürcüstanın Rusiyaya qarşı etnik təmizləmə ittihamını rədd edib. SİA-nın voanews.com-a istinadən verdiyi xəbərə görə, məhkəmənin açıqlamasında deyilir ki, insident Rusiya ilə Gürcüstan arasında müzakirə edilməzdən əvvəl məhkəməyə verildiyi üçün məhkəmənin bu məsələ barədə iş açmağa qanuni hüququ yoxdur.
Məhkəmə işində 2008-ci ildə müharibəyə gətirib çıxaran Gürcüstanın iki separatçı regionundan söz açılır. Gürcüstan qarşıdurmadan sonra öz ordusunu bölgədən çıxardığını, lakin bundan sonra da Rusiya rəsmiləri və separatçı yaraqlıların regionda əməliyyatları davam etdirdiklərini deyir.