Çinin Hubey əyalətində 350 nəfər koronavirusdan dünyasını dəyişib
3 Fevral 2020 03:10 (UTC+04:00)
Çinin Hubey əyalətində yeni növ koronavirusun səbəb olduğu pnevmoniyaya yoluxanların sayı daha 2103 nəfər artaraq 11,1 minə çatıb. Bölgədə 350 nəfər isə bu xəstəlikdən dünyasını dəyişib.
SİA xəbər verir ki, bu barədə "Reuters" ÇXR-in dövlət televiziyasına istinadən məlumat yayıb.
Buna qədər "Wangi" xəbər portalı yerli rəsmi dairələrə istinadən Çində koronavirusa yoluxanların sayının 109 nəfər artaraq 14489 nəfərə çatması, 304 ölkə vətəndaşının bu xəstəlikdən ölməsi və 418 xəstənin də sağalaraq tibb müəssisələrini tərk etməsi barədə xəbər yaymışdı.
Koronavirusun pik səviyyədə qeydə alındığı Hubey əyalətində isə 9 mindən çox insanın bu növ pnevmoniyanın daşıyıcısına çevrildiyi, 294 nəfərin də öldüyü bildirilmişdi.