Bir qrup miqrant Serbiya-Macarıstan sərhəddini keçib. SİA RİA Novostiyə istinadən xəbər verir ki, bu barədə Serbiyanın milli televiziyası polisin informasiyasına əsasən məlumat yayıb.
Məlumata görə, miqrantlar Serbiya-Macarıstan sərhəddini keçdikləri zaman Macarıstan polisi havaya atəş də açıb.
Telekanal Macarıstan polisinin məlumatına istinadən xəbər verir ki, səhər saat 5.30-da (Bakı vaxtı ilə 8.30) iki qrup miqrant, Xorqoş 2 - Reske 2 sərhəd keçidi yaxınlığında Macarıstan ərazisinə qanunsuz girməyə çalışıblar. Bu zaman "Macarıstan polisi havaya bir neçə xəbərdarlıq atəşi açıb.
Bunun ardınca Macarıstan polisi dörd nəfəri də saxlayıb.