Yanvarın 26-da Türkiyə-Suriya sərhədində terror aktı törədilib.
SİA xəbər verir ki, hadisə Suriyanin Azez rayonunda baş verib.
İlkin məlumata görə, terrorçular tərəfindən partlayıcı maddənin işə salınması nəticəsində 8 nəfər həlak olub, onlarla adam yaralanıb. Yaralılar xəstəxanalara yerləşdirilib. Ölü sayının artması istisna edilmir.
Hadisə yerinə gələn təhlükəsizlik qüvvələrinin əməkdaşları hücumun YPG / PKK terror təşkilatı tərəfindən təşkil olunduğunu ehtimal edirlər.