2019-cu ildə Finlandiyada doğulan uşaqların sayı 1866-1868-ci illərin böyük aclıq dövründəki səviyyəyə düşüb.
SİA xəbər verir ki, Finlandiya Statistika İdarəsinin yaydığı məlumata əsasən, ölkədə doğulan uşaqların sayı ardıcıl olaraq doqquzuncu ildir azalır və keçən il bu rəqəm 45 min 600-ə düşüb. Bu, 1866-1868-ci illərdə Finlandiyada baş verən böyük aclıq dövründən bəri qeydə alınan ən aşağı rəqəmdir.
Məlumatda bildirilir ki, keçən il 2018-ci illə müqayisədə ölkədə doğulan uşaq sayı təxminən 2 min azalıb.