Beynəlxalq dərəcəli hakimimiz təyinat alıb

23 Yanvar 2020 17:46 (UTC+04:00)

Azərbaycanın beynəlxalq dərəcəli hakimi Zaur Hacıyev Avropa Voleybol Konfederasiyası (CEV) tərəfindən yeni təyinat alıb. SİA-nın məlumatına görə, həmyerlimiz kişi voleybolçular arasında Çağırış kuboku yarışlarında mübarizə aparan İtaliyanın “Allianz” və Xorvatiyanın “Mladost Ribola” komandaları arasında keçiriləcək görüşün baş hakimi hakimi olacaq. Həmyerlimizə ispaniyalı Antonio Fernando Korrea Benitez kömək edəcək.

Turnirin 1/8 final mərhələsinin cavab oyunları çərçivəsində keçiriləcək görüş fevralın 13-da İtaliyanın Milan şəhərində təşkil olunacaq. Komandalar arasında yanvarın 29-da Xorvatiya keçiriləcək birinci oyunda isə həmyerlimiz Fikrət Axundov ikinci hakim funksiyasını yerinə yetirəcək. Görüşün baş hakimi danimarkalı Ellen Mari Burheim olacaq.