İngilis yazıçı Con Tolkinin oğlu, yazıçı və linqvist Kristofer Tolkin 96 yaşında Fransada vəfat edib.
SİA "lenta.ru"ya istinadən verdiyi xəbərə görə, "Üzüklərin hökmdarı" trilogiyasının müəllifinin üçüncü oğlu olan K.Tolkin atasının ölümündən sonra onun kitablarının çapı ilə məşğul olub.
Kristoferin sayəsində oxucular C.Tolkinin bütün irsi ilə tanış ola biliblər.
Bundan başqa o, atasının "Silmarillion" adlı yarımçıq romanını tamamlayıb və 12 cildlik "Ortadünyanın tarixi" adlı əsər yazıb.
K.Tolkin məhkəməyə yolu ilə "Üzüklərin hökmdarı" haqqında çəkilən trilogiyanı qadağan etməyə çalışıb və sonra filmləri bəyənmədiyini bildirmişdi.