Rusiyanın Nijni Novqorod bölgəsində sərnişin avtobusunun aşması nəticəsində 25 nəfər yaralanıb

16 Dekabr 2019 05:22 (UTC+04:00)
Rusiyanın Nijni Novqorod bölgəsində sərnişin avtobusunun aşması nəticəsində 25 nəfər yaralanıb. SİA "gazeta.ru" saytına istinadən xəbər verir ki, məlumatı Səhiyyə Nazirliyinin regional şöbəsi yayıb. Bildirilib ki, xəstəxanaya yerləşdirilən yaralılardan 13-nün vəziyyəti orta-ağır qiymətləndirilir. 9 nəfər müayinə edildikdən sonra ambulator müalicə üçün evə buraxılıb. Qeyd edək ki, avtobus İvanovdan Dzerjinsk şəhərinə gedirmiş. Yol polisinin məlumatına görə, hadisə 50 yaşlı sürücünün idarəetməni itirməsi səbəbindən baş verib. Avtobusda 49 nəfər olub. Qəzanın əlverişsiz hava şəraiti ilə bağlı olduğu ehtimal edilir. Həmin gün bölgəyə yağış yağdığı bildirilir.