Kay Haverts Bundesliqanın tarixinə düşüb

15 Dekabr 2019 21:22 (UTC+04:00)

“Bayer”in yarımmüdafiəçisi Kay Haverts Bundesliqanın tarixinə düşüb.

SİA “sports.ru” saytına istinadən xəbər verir ki, “Köln”lə matç onun Almaniya yüksək liqasında 100-cü oyunu olub. Bununla da o, bundesliqada bu qədər sayda görüş keçirən ən gənc futbolçu (20 yaş 186 günündə) olub. Buna qədər rekord 20 yaş 203 günündə “Leyptsiq”li Timo Vernerə məxsus idi.

Bu mövsüm Kay Haverts 19 matçda meydana çıxıb, 3 qol vurub və 1 dəqiq qol ötürməsi verib.