Milli Məclis hökumətin hesabatını qəbul etdi

16 Mart 2011 03:13 (UTC+04:00)

Milli Məclisin bu gün keçiriləcək iclasında Azərbaycan Respublikası Nazirlər Kabinetinin 2010-cu ilin yekunlarına dair hesabatı dinlənilib. SİA-nın xəbərinə görə, Konstitusiyaya uyğun olaraq, parlamentin yaz sessiyasının beşinci iclasında hökumətin hesabatı dinlənilib və 107 lehinə 3 nəfər əleyhinə olmaqla qəbul olunub.
Bu ilki hesabat əvvəlki illərin hesabatları ilə müqayisədə geniş məlumat tutumlu və təhlil xarakteri daşımaqla, daha ətraflı hazırlanıb.
Sənəddə sosial–iqtisadi inkişafın ətraflı təhlili ilə yanaşı, ekologiya və fövqəladə hallar, institusional, xarici əlaqələr, dövlət təhlükəsizliyi, ictimai asayiş, müdafiə və ordu quruculuğu kimi sahələr də müqayisəli şəkildə əhatə olunub, məntiqi ardıcıllıq təmin edilib. Hökumətin hesabatı kitab halında çap olunaraq deputatlara paylanılıb.