Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının hazırladığı QHT standartları üzrə ilkin təkliflərin müzakirəsi keçiriləcək.
Qurumdan SİA-ya verilən xəbərə görə, QHT standartlarının məqsədi yerli qeyri-hökumət təşkilatlarının fəaliyyətinin daha da səmərəli qurulması, idarəetmənin təkmilləşdirilməsi və missiyanın beynəlxalq müstəvidə qəbul edilmiş hüquqi və etik normalara uyğun şəkildə yerinə yetirilməsində təşkilatlara yardım etməkdir.
Tədbir 16 mart 2011-ci il saat 12.00-da Beynəlxalq Mətbuat Mərkəzində olacaq.