Futzal üzrə dünya çempionatının elit-raund mərhələsində iştirak edəcək Azərbaycan millisinin yer aldığı C qrupunun oyunlarının başlama vaxtı açıqlanıb. SİA-nın məlumatına görə, bütün görüşlər Xorvatiyanın Osiek şəhərindəki “Qradsk vrt Arena”da keçiriləcək.
Yanvarın 29-da keçiriləcək Xorvatiya–Azərbaycan oyunu Bakı vaxtı ilə 23:00-da start götürəcək. Ertəsi gün keçiriləcək Azərbaycan–Rusiya, fevralın 1-də təşkil olunacaq Slovakiya–Azərbaycan oyunları isə saat 20:00-da başlayacaq.
Qeyd edək ki, qrup qalibləri final mərhələsinə yüksələcək. İkinci pilləni tutacaq komandalar pley-off oyunlarında üz-üzə gələcəklər.