(Xalam oğlu Nazimə ithaf edirəm)
Sərinləmək istəmirəm
heç bir kəsin gölgəsində.
İnan, şahlıq rütbəsin də
daşımaram, qərib-yadlar
ölkəsində.
Bir əqidəm, bir amalım,
bir işıqlı yolum vardır.
O yol Böyük Vətən dərdim,
azadlığın şüahsdır.
Parçalama torpaqlara
milli qürur sərvətimi.
Xırdalama qara pul tək
qədim ulu şöhrətimi.
Mən dözümü Zərdüştümdən,
Babəkimdən qoparmışam.
Ona görə od-alovu,
Hərarəti torpağıma
aparmışam.
Türkün oğlu! Daim od ol,
Ayıq-sayıq ol həmişə.
Sən vətənin bir daşısan,
Silahısan yeri gəlsə...
Vüqarını uca saxla!
Tanrı vermiş bu qisməti.
Mərdliyinə təslim elə,
Astarı yox həqiqəti.
Qoy bayrağın günəş olsun,
Şölələnsin zaman-zaman.
Çatdır qovuş nöqtəsinə,
Qoy birləşsin Azərbaycan!
Ramiq Muxtar,
Prezident təqaüdçüsü, "Şərəf" ordenli,
Rəsul Rza adına Beyənlxalq Mükafatı laureatı